Беларусь 1 чэрвеня 2015

У Бабруйску абмяркуюць гендарныя пытанні

spring96.org | Прагляды: 1 309

2 чэрвеня ў Бабруйску адбудзецца сустрэча з Аляксандрай Ігнатовіч, адной з аўтарак першага беларускага фемінісцкага кіно "Сукенка".

Над гэтым дакументальным фільмам працавалі 25 беларусак. У ім распавядаецца пра лёсы розных жанчын, якія жывуць паводле пэўных стандартаў грамадства, ці ідуць насуперак "правілам".

Бабруйчане змогуць не толькі праглядзець фільм з яго аўтаркай, але і паўдзельнічаць у дыскусіі на гендарную тэму.

У Бабруйску надаецца вельмі мала ўвагі гендарным пытанням - як з боку дзяржаўных, так і недзяржаўных арганізацый. Як паказала нядаўняе абмеркаванне тэмы "Гендар" на моўных курсах, большасць увогуле слаба арыентуецца ў самім паняцці "гендарная роўнасць".

Сустрэча адбудзецца 2 чэрвеня, пачатак а 18-й гадзіне. Адрас: Кастрыніцкая-33, кв.1. Уваход вольны.
Аб праекце Звязацца з камандай English
Лого MAKEOUT
Сайт належыць Сацыяльна-інфармацыйнай ўстанове па падтрымцы праектаў ў сферы гендэрнай роўнасці "АУТЛАУД", якая зарэгістравана 20 сакавіка 2018 г. Мінгарвыканкамам. Статут можна спампаваць тут.