Увага, выяўлена памылка
Па дадзеным адрасе публікацый на сайце не знойдзена, альбо ў вас няма доступу для прагляду інфармацыі па дадзеным адрасе.
кінапаказ
Няма нічога
больш дзіўнага,
чым людзі
MAKEOUT сумесна з фестывалем кароткаметражных фільмаў Cinema Perpetuum Mobile прадстаўляе праграму кароткаметражнага кіно «Няма нічога больш дзіўнага, чым людзі».
Усе фільмы дэманструюцца на мове арыгінала з беларускімі субтытрамі.
Швейцарыя, 2012
Дзяўчына мары
Traumfrau (Dream Girl)
Большую частку свайго жыцця Дзірк шукаў жанчыну сваёй мары. Пасля некалькіх няўдалых адносінаў і расстанняў ён, здаецца, знайшоў каханне свайго жыцця, Джэні: ідэальная пара з першага погляду — але ў чымсьці абсалютна іншая... Кароткаметражны фільм "Дзяўчына мары" занурае гледача ў свет паміж уяўленнем і рэальнасцю, адначасова дзіўны і надзіва знаёмы.
Рэжысёр: Oliver Schwarz
Бельгія, 2012
Чалавечае цяпло
Chaleur human
Антуану падабацца блізкасць з Бруна. Яму падабаецца яго цяпло. Ён мае ў ім патрэбу. Аднак прыходзіць час расстацца, час, калі цела больш нічога не адчувае...
Рэжысёр: Christophe PREDARI
Расія, 2013
Асвойванне абмежаванняў
Exploration of Confinement
Ці ёсць жыццё пасля таго, як вы зваліліся ў смеццеправод? Колькі б вы змаглі пражыць з нагой, якая захрасла ў вядры? Або з галавой, што заблыталася ў каўняры вадалазкі? І што, калі б вам гэта спадабалася?..
Рэжысёр: Маруся Сыроечковская
Бельгія, 2013
Electric Indigo
Часам маладой дзяўчыне складана супрацьстаяць грамадскай думцы і прыняць сваю індывідуальнасць. Што казаць, калі ты не ведаеш роднай маці, а адзіны напамін пра яе — гэта каханне тваіх гетэрасэксуальных бацькоў у іх платанічнымі шлюбе.
Рэжысёр: Jean-Julien Collette
Бразілія, 2013
Прынцэса
A Princesa
Раніцай жанчына атрымлівае ў падарунак сукенку, каб надзець яе ўвечары. У яе цэлы дзень на тое, каб падрыхтавацца і прыбрацца. З кожным дзеяннем па навядзенні прыгажосці жанчына ўсведамляе ўсё мацней, што яе мары аб свабодзе ўжо даўно азмрочаныя прысутнасцю ў іх паляўнічага. Адна ў сваім пакоі, жанчына яшчэ ніколі не была так засмучаная тым, што побач няма мужа: ён хутка прыйдзе, а ёй трэба быць гатовай да балу.
Рэжысёр: Rafael Duarte
Швецыя, 2012
Лаура
Laura
Лаўра ніколі нікога не любіла, але аднойчы ўсё ж такі сустрэла свайго ідэальнага мужчыну. Праблема толькі ў тым, што ён мёртвы.