14 лютага 2014

Карыстальнікі Facebook змогуць выбіраць гендар

Прагляды: 1 622

© policymic.com
Цяпер у раздзеле “інфармацыя пра сябе” амерыканскія карыстальнікі змогуць пазначыць не толькі “жаночы” і “мужчынскі” пол. Ім будуць прапанаваныя такія варыянты, як “бігендар”, “транссэксуал”, “інтэрсэксуал”, “андрагін” і шмат іншых.

Таксама ў раздзеле “кіраванне старонкай” на выбар удзельнікаў сацсеткі можна будзе пазначыць адзін з займеннікаў для іх згадвання ў стужцы навінаў: “яго/яму”, “яе/ёй”, або “ім/іх”.

“Ёсць шмат людзей, для якіх гэта не будзе мець сэнсу, але ёсць нямногія, для каго гэта цэлы свет, — сказала інжынер-праграміст Facebook Брыэль Харысан, якая працавала над праектам і сама ёсць транс-жанчынай. — Вельмі часта транссэксуалы, як я, і іншыя трансгендарныя людзі ставяцца перад гэтым бінарным выбарам: “Хочаш быць мужчынам ці жанчынай?”, “Які твой гендар?” Для нас гэта роспач, таму што ніводны з гэтых варыянтаў не дазваляе нам расказаць іншым, хто мы на самай справе. Гэта сапраўды важна, таму што я ўпершыню магу зайсці на сайт і паказаць усім, каго я ведаю, свой гендар”.

На дадзены момант невядома, калі 58 варыянтаў гендара стануць даступныя ўдзельнікам сацсеткі, зарэгістраваным за межамі ЗША.
Далучайся да нашай рассылкі
Раз на месяц выходзім на сувязь, каб паведаміць, як маемся.