Інфармацыя пра жыццё ЛГБТК-супольнасці перыядычна з’яўляецца ў беларускіх СМІ, але, як правіла, гэта матэрыялы ці дыскусіі пра тое, як яны жывуць/выглядаюць і г.д. Адпаведна, што «мы» ў дадзеным выпадку — гэта цысгендарная, гетэрасэксуальная большасць.

З дапамогай праекта КАМІН-АЎТ мы пачынаем гаварыць пра сябе самі. Асноўная мэта праекта — зрабіць бачнай групу людзей, якія адносяць сябе да ЛГБТК-супольнасці.

Кожная з гісторый так ці іначай закранае тэму камін-аўта ў Беларусі. Мы не даем ніякіх ацэнак і не робім высноваў пра (не)абавязковасць рабіць камін-аўт. Усе гісторыі розныя: хтосьці расказвае пра тое, як зрабіл_а камін-аўт перад бацькамі, пра важнасць заставацца адкрытымі, хтосьці — пра тое, чаму выбірае не адкрывацца перад наваколлем, хтосьці разважае пра сам феномен камін-аўта ў нашым грамадстве, і г.д. Спадзяемся, што кожн_ая знойдзе для сябе штосьці важнае ў гэтых гісторыях.

Калі ты хочаш прыняць удзел у праекце «Камін-аўт», падзяліцца сваёй гісторыяй (у тым ліку і ананімна) — калі ласка, напішы нам на пошту, каб дамовіцца пра сустрэчу