падзеі Беларусь 2 чэрвеня 2016

MAKEOUT атрымаў прэмію «Ты можаш!»

euroradio.fm | Прагляды: 2 046

MAKEOUT атрымаў прэмію «Ты можаш!»
34 multimedia magazine

Прэмія «Ты можаш!» — гэта супольны праект рэдакцый Еўрарадыё і 34mag.net, які адзначае асобных людзей і ініцыятывы ў галіне абароны правоў чалавека. Цырымонія ўпершыню прайшла 27 траўня ў Мінску ў прасторы «ЦЭХ».

Прадстаўнікі абедзьвюх рэдакцый узнагародзілі 10 асобаў і ініцыятываў, якія адзначыліся ў галіне абароны правоў чалавека ў Беларусі.
Імі сталі:

1. Праект MAKEOUT — праект пра гендар, сэксуальнасць і асаблівасці іх праяваў у Беларусі.
2. Аксана Гайко — менеджарка культурніцкай пляцоўкі «Прастора КХ» з Брэста.
3. Вольга Каскевіч — заснавальніца экалагічнай арганізацыі «Багна» і менеджар аддзела грамадскіх кампаній у таварыстве «Зялёная сетка».
4. Яўген Меркіс — старшыня моладзевай краязнаўчай арганізацыі «Талака» з Гомеля.
5. Сяргей Бахун — спартовы заўзятар, які адстойвае права заўзятараў наведваць спартыўныя арэны з нацыянальнай сімволікай.
6. Ларыса Жыгар — каардынатарка праекта «Рух маці 328» з Гродна. Ён аб’ядноўвае жанчын, чые дзеці патрапілі пад дзеянне 328-га артыкула КК — незаконны абарот наркатычных рэчываў.
7. Эніра Браніцкая — кіраўніца грамадскай праваабарончай арганізацыі «Офіс па правах людзей з інваліднасцю».
8. Алесь Буракоў — журналіст з Магілёва, які адстойвае правы журналістаў-фрылансераў.
9. Алесь Крот — кіраўнік моладзевай прафсаюзнай арганізацыі «Студэнцкая рада», Мінск.
10. Алена Куляшова — заснавальніца сэканд-хэнда Flea shop і праекта дапамогі бяздомным жывёлам Zoo help, Ліда.

«Прэмія — гэта вынікі вашай праваабарончай і грамадскай дзейнасці. Яна падводзіць вынікі 2015 года. Яна прызначаная для праваабаронцаў і найбольш актыўных людзей, прадстаўнікоў моладзевых арганізацый, рознага кшталту ініцыятываў», — расказалі ініцыятары ўзнагароды.

MAKEOUT атрымаў прэмію «Ты можаш!»
34 multimedia magazine

MAKEOUT атрымаў прэмію «Ты можаш!»
34 multimedia magazine
Далучайся да нашай рассылкі
Раз на месяц выходзім на сувязь, каб паведаміць, як маемся.